Loading...

Perbedaan Kawih Dan Kakawihan Bahasa Sunda

Perbedaan Kawih Dan Kakawihan Bahasa Sunda - Mungkin sobat bertanya apa itu Kakawihan dan Kawih, apakah masih sama atau beda arti, sebetulnya kakawihan dan kawih itu masih sama yaitu merupakan lagu-lagu sunda bebas, hanya saja kalau Kakawihan lebih identik dengan lagu-lagu sunda yang sering digunakan dalam permainan anak-anak kalau dalam istilah sunda disebut kaulinan barudak.
Perbedaan Kawih dan Kakawihan


Perbedaan Kawih dan Kakawihan

Kawih mangrupakeun lalaguan Sunda bebas. Anu dimaksud ku lalaguan Sunda bebas teh nyaeta kawih mangrupakeun rakitan basa anu teu kaiket ku aturan. Kawih teu kaiket ku aturan, maksudna yen kawih mah henteu saperti dangding anu kaiket ku aturan nu aya dina pupuh. Dangding mangrupa rakitan basa nu kaiket ku guru lagu jeung guru wilangan. Jadi, kawih nyaeta lalaguan Sunda bebas nu teu kaiket ku guru lagu jeung guru wilangan.

Sanajan teu kaiket ku guru lagu jeung guru wilangan, kawih masih tetep dianggap hiji karya seni anu ngandung unsur seni sastra jeung seni musik. Sedengkeun kakawihan, umpama ditilik tina wangun kecap-kecapna atawa rakitan basana, kakawihan teh sabenerna mah sarua jeung kawih.

Kakawihan oge sarua jeung kawih, kakawihan nyaeta lalaguan Sunda bebas jeung rakitan basa anu teu kaiket ku guru lagu jeung guru wilangan. Bedana kakawihan jeung kawih nyaeta, kakawihan mah sok dipake pikeun kaulinan atawa digawe, sedengkeun kawih mah ngan saukur dihaleuangkeun.

Conto kawih nyaeta saperti : kawih Bubuy Bulan, Es Lilin, Manuk Dadali, Pileuleuyan atawa Sapu Nyere Pegat Simpai, Panon Hideung, Sabilulungan, Bajing Luncat, Karatagan Pahlawan, Pangandaran, Anjeun, Kalangkang, jeung sajabana. Sedengkeun contoh kakawihan anu sok dilagukeun pikeun ulin atawa digawe nyaeta saperti : kakawihan Cing-Cangkeling, Ambil-ambilan, Jaleuleuja, Perepet Jengkol, Ayang-Ayang Gung, Sasalimpetan, Cang Ucang Angge, Surser-Surser, Oray-orayan, Cingciripit, jeung sajabana.
Advertisement
Perbedaan Kawih Dan Kakawihan Bahasa Sunda
Loading...