Loading...

Supir Truk Di Tilang- Carita Sunda Gokil

Supir Truk Di Tilang- Carita Sunda Gokil - Belajar Bahasa Sunda Wilujeung sumping deui kana ieu blog Belajar Bahasa Sunda tempat diajar bahasa sunda sareng tempat kumpulan Carita-carita lucu bahasa sunda. dina postingan ayeuna Admin bakal ngabagi carita sunda lucu pikeun baraya nu butuh hiburan jeung pang beberah manah anu nuju tunggara, Mangga di aos caritana..

Carita Sunda - Supir Truk Di Tilang

Cerita sunda lucu - supir truk ditilang

Dina hiji peuting...
Saurang Supir Treuk gandengan keur jongjon ngajalankeun Treukna sabari lalaguan supaya ulah tunduh meureun, sabab loba dina berita boh dina TV atawa dina Radio anu ngawawarkeun mangrupa kacilakaan dijalan kulantaran supirna nundutan. tapi ti tukang ujug-ujug disalib ku Mobil Patroli Pulisi jeung di ereunkeun Treukna :

Pulisi ; " Wilujeng Wengi Pa " ( bari ngahormat )

Supir ; "Wilujeng Wengi , aya naon ieu teh Pa...? " ( bari rada sieun oge ku Pulisi )

Pulisi ; "Tiasa ningal heula Serat Serat Kendaraan na Pa ?"

Supir : "Ieu aya Pa , sadayana lengkep SIM, STNK sareng KTP ge aya Pa " ( bari ngasongkeun dompet surat surat ).

Pulisi ; "Muhun ieu tos lengkep. Tapi ti iraha Bapa ngajalankeun Treuk bari teu nganggo Lampu Tukang ?"

Supir : "Haah Maenya Pa ?" ( bari terus ka tukang nempo Treuk na )

Sanggeus nempo lampu tukang Treuk na, eta Supir ceurik teu sirikna bari gogoakan ...
Jiga nu sedih pisan nempo Lampu tukang Treukna.

Ningali kitu mah Pulisi ge karunyaeun , terus ngadekeutan jeung ngomong ka Si Supir ....
Pulisi ; "Tos tos Pa , teu kenging sedih kitu ...

Didenda atanapi di tilang ge moal sabaraha Pa,
keun ku Abdi di pasihan Kabijaksanaan."

Supir : "Sanes kitu Pa Pulisi , abdi mah bade didenda atanapi di tilang ge teu janteun masalah" ( bari terus ceurik )

Pulisi ; "Nya ari atos kunaon atuh meni sedih kitu ?"

Supir ; "Masalahna Gandengan Treuk Abdi lesot dimana ? Mangkaning Eusina Sapi 10 siki jeung pamajikan uing anu ngora...

Kosakata Singkat :
Ngawawarkeun = Memberitakan
Treuk = Truk
Nundutan = Mengantuk
Disalib = Disalip
Lengkep = Lengkap
Nganggo = Memakai
Ningali = Melihat
Advertisement
Supir Truk Di Tilang- Carita Sunda Gokil
Loading...